فى ذكرى ميلادك يا نبينا هلى يا بركة وطلى علينا
ماسكة الفرحة بأيديها قلوبنا تحيى معانا ذكرى نبينا
والله اشتاقنا يا مدينة نيجى نزور قبر نبينا
رحلة قلوبنا بترتاح فيها دواء لقلوبنا بيقويها
يالا يا بركة هلى علينا دا انت بتيجى فى ذكرى نبينا
بتيجى وبييجى الرزق معاكى ويطل الخير بوشه علينا
عاش حبيبنا سيدنا النبى كل حياته ودنيته
حكى لنا عنه صحبته زادت فى قلوبنا محبته
قوينا يا رب نحيى سنته وتبقى دليل محبته
يا رب ارزقنا حكمته وحبب فينا محبته
د ياما نزلت دمعته من خوفه علينا وحنيته
يا أحلى عام يا عام الفيل يا ذكرى مولد حضرته